Í kvöld klukkan 20:00 verður myndin Cairo 678 sýnd í Andrými. Enskur texti. Smá um myndina:
Kvikmynd frá Egyptalandi eftir leikstjórann Mohamed Diab. Myndin fjallar um konur sem eru kynferðislega áreittar í Cairo og ákveða að taka málin í sínar hendur.
Myndin fékk mikla gagnrýni þegar hún kom út þar sem talið var að hún hvetti konur til að skaða kynfæri karlmanna með beittum tólum. Leikstjórinn svaraði því til að það væri ekki verið að hvetja konur til þess, heldur væri þetta einfaldlega byggt á raunverulegum aðstæðum kvenna í Cairo sem sumar bera með sér vopn í sjálfsvörn.