Gígja Thoroddsen – GÍA heldur einkasýningu á verkum sínum í rými Andrýmis á 2 hæð í Iðnó við Vonarstræti. Sýningin ber heitið ,,Listin og ástin búa innra með okkur öllum”.
Sýningin opnar þriðjudaginn 12. desember kl.17 og stendur til 22.desember. Hún er opin virka daga frá kl.12 – 18.
Lyfta er í húsinu og gott aðgengi upp á 2.hæð.
Gígja býr og starfar í Reykjavík og notar listamannsnafnið Gía. Á sýningunni sýnir Gígja ný verk, sem hún vinnur bæði á pappír og á striga, teikningar og málverk. Myndefnið er fjölbreytt, þar má nefna seríu af Búddamyndum, Andrés Önd, Uppstillingar, borgarlandslag og margt fleira og eru verkin öll til sölu.
Almennt hafa verk hennar sterka skírskotun í listasöguna, samtímann og samfélagið, og sem listamaður er hún í stöðugri þróun hvað varðar myndefni, efnisval og nálgun. Mörg verka Gígju byggja á reynslu hennar af því að vera kona og eins notandi geðheilbrigðiskerfisins. Hún hefur einnig gert verk í anda annarra listamanna úr listasögunni og má þar nefna Toulouse Lautrec og Leonardo Da Vinci. Hún gerir málverk og teikningar með fjölbreyttu myndefni, m.a. af þekktu fólki úr samtímanum og mannkynssögunni. Öll verkin á sýningunni eru ný, Gígja vinnur bæði á pappír og á striga, teikningar og málverk.
Gía stundaði nám hjá Hring Jóhannessyni, listmálara í Myndlistaskóla Reykjavíkur 1975, Vallekille lýðháskólanum í Danmörku 1975 og sótti þriggja mánaða teikninámskeið í Árhúsum, Danmörku 1976 og leiklist hjá Helga Skúlasyni, leikara 1977. Verk hennar eru í eigu aðila líkt og Safnasafnsins, Landspítalans, Krabbameinsfélagsins og Friðarseturins Höfða og fyrrum og núverandi borgarstjóra í Reykjavík.
Gígja var útnefnd listamaður Listahátíðarinnar List án landamæra árið 2017. Á árinu hefur hún haldið einkasýningar og tekið þátt í Norrænni samsýningu í Noregi. Gígja hefur haldið fjölda einkasýninga þar á meðal sumarið 2016 á Safnasafninu á Svalbarðsströnd.
Sýningin er á dagskrá listahátíðarinnar List án landamæra.
//
Gígja lives and works in Reykjavík under the artist name “Gía”. Gígja’s works’ relate to art history, the present, and society at large. As an artist Gígja is constantly changing her subjects, musings, and materials. The subject of many of her works is her experience as a woman as well as being a client of psychiatric services. She has also made works inspired by classical artists such as Toulouse Lautrec and Leonardo Da Vinci. Join us Tuesday evening for the opening of her final show as Iceland’s outsider artist of the year, in which she will premiere a whole new body of work.
The exhibition will run from Dec 12th – Dec 22nd at Andrými.
The exhibition is accessible to all. Andrými is wheelchair accessible with a lift to the 2nd floor.
Facebook event: https://www.facebook.com/events/1363922400401708/
Contact: mnorddahl@gmail.com